"Batay sa K-12 Kurikulum" --Cover

Bibliography : pages 225-226

"Ang serye (Marangal7-10) ay nakabatay sa mga panlahat at tiyak na kasanayang pampagkatuto ng Kagawaran ng Edukasyon sa ilalim ng kurikulum ng K -12.

Magsisilbing gabay ang aklat na ito sa mga estudyante upang matagpuan nila ang kabuluhan ng kanilang buhay,ang papel nila sa lipunang Pilipino upang makibahagi sila sa pagtatayo ng pamayanang pinaiiral ang katotohanan,kalayaan,katarungnan,at pagmamahalan. Upang maipamalas ang mga ito, kailangang taglay nila ang limang makrong kasanayan: pag-unawa, pagninilay, pagsangguni,pagpapasiya, at pagkilos (K-12 Gabay Pangkurikulum ng Edukasyon sa Pagpapakatao).

a) Pag-unawa. Mahalagang maipamalas nila ang kakayahang mahinuha ang mga konsepto at prinsipyong nagbibigay-paliwanag sa sariling karanasan, mga situwasyong namasid, sinuri at pinagnilayan gamit ang obhektibong pamantayan ng moral na pamumuhay.

b) Pagninilay. Sa gitna ng mabilis na daloy ng impormasyon at ingay ng kapaligiran, kailangang mag-ukol ng panahon ang mga mag-aaral sa maingat at malalim na pag-iisip sa mga situwasyong naobserbahan at mga konseptong natutuhan tungkol sa moral na pamumuhay.

c) Pagsangguni. Kailangang humingi sila ng payo o gabay sa mga taong may higit na kaalaman o kasanayan sa moral na pamumuhay at marunong magsala (weigh) ng mga impormasyon mula sa iba't ibang uri ng midya batay sa obhektibong pamantayan ng moral na pamumuhay.

d) Pagpapasiya. Kailangang matuto silang bumuo ng sariling posisyon, paniniwala, paninindigan o kilos na isasagawa batay sa obhektibong pamantayan ng moral na pamumuhay.

e) Pagkilos. Mahalagang mailipat nila ang konsepto o prinsipyong nahinuha mula sa mga konkretong sitwasyon ng buhay at maipakita ang kahandaang isabuhay ang mabubuting ugali (virtues) na natuthan batay sa obhektibong pamantayan ng moral na pamumuhay."--[From Introduction]

Young Adult 0.00

Text [in Filipino]